११ मंसिर २०७७, बिहीबार , ०१:३८

काठमाडौं । दुबईमा जारी यसवर्षको इण्डियन प्रिमियर लिगमा आज फाइनलिष्टका लागि दुई टीम भिड्दैछन् ।

मुम्बई इण्डियन र दिल्ली क्यापिटलबीच हुने आजको खेलबाट फाइनलमा एउटा टीम पुग्नेछ । त्यसैले यो प्रतिष्पर्धा निकै रोचक मानिएको छ ।

यो सिजनमा दिल्लीको उत्कृष्ट प्रदर्शन गर्न सफल भएको थियो ।

आइपिलको इतिहासमा चारपटक च्याम्पियन रहिसकेको मुम्बईलाई हराउन दिल्लीका लागि त्यति सजिलो भने छैन । तर मंगलबारका दिन सनराइजर्स हैदराबदसँग १० विकेटको हार बेहोरेको मुम्बईका लागि पनि दिल्लीसँग भिडनु कम्ति चुनौतीपूर्ण छैन ।

दिल्लीले लगातार चार खेलमा हारपछि रोयल च्यालेन्जर बैंगलोरलाई ६ विकेटले हराएर दोश्रो स्थान हासिल गर्न सफल भएको थियो । यसबाट टीममा जीतको मनोबल उच्च रहेको छ ।
मुम्बईका लागि भने चार खेलमा अनुपस्थित रहेका कप्तान रोहित शर्मा खेलमा फर्किनुले ठूलो बल पुगेको छ । यद्यपी सनराजर्सविरुद्धको खेलमा भने उनी छिट्टै पभेलियन फर्किएका थिए ।

त्यसो त वर्तमान च्याम्पिन मुम्बईसँग सँग आक्रामक ब्याट्सम्यान रहेका छन् भने उत्कृष्ट बलर पनि उनीहरुसँग छन् ।

मुम्बईको शीर्षक्रमले राम्रो प्रदर्शन समेत गरेका छन् । युवा इशान किसनले ४२८ रन बनाउँदै आफूलाई उत्कृष्ट साबित गरेका छन् । यसपछि सूर्यकुमार यादवले ४१० रन, लामो शट खेल्ने हार्दिक पाण््ड्याले यो सिजनमा २४१ रन बनाएका छन् । योसँगै किरोन पोलार्ड र कु्रणाल पाण््ड्या पनि मुम्बईको जीतका लागि महत्वपूर्ण हुनेछन् ।

मुम्बईले आफ्ना दुई मुख्य बलर जसप्रीत बुमराह र ट्रेन्ट बोल्टलाई सनराजर्स विरुद्धको खेलमा विश्राम दिएका थिए । यी दुबैले शुरु र डेथ ओभरमा घातक बलिङ गर्ने गर्दछन् ।
उता दिल्लीका लागि अजिंक्य रहाणे आफ्नो फर्ममा देखिएका छन् । उनले आरसिबीविरुद्ध टण् रन बनाएका थिए । शिखर धवन त ५२५ रनसँगै फर्ममा नै छन् । दिल्लीको चिन्ता पृथ्वी शा र ऋषभ पन्तको हो । उनीहरु अहिलेसम्म फर्ममा देखिन सकेका छैनन् ।

यसैगरी विदेशी खेलाडी शिमरोन हेटमायर र माक्र्स स्टोइनिसको भूमिका पनि महत्वपूर्ण हुनेछ । कप्तान श्रेयस अय्यरले अहिलेसम्म ४२१ रन बनाएका छन् । उनको भूमिका पनि महत्वपूर्ण हुनेछ ।

यसअघि लीग चरणमा मुम्बईले दिल्लीलाई दुबै खेलमा हराएको थियो ।

Leave a Reply

Your email address will not be published. Required fields are marked *